१४ फागुन, नेपालगन्ज । अवधी पत्रकार संघ नेपाल बाँके शाखाको शनिवार सम्पन्न १५औं जिल्ला वार्षिक साधारणसभा एवं ५औं जिल्ला अधिवेशनबाट अध्यक्ष पदमा चयन भएका शाहिद अली (समीर अली)लाई मंगलवार सम्मान गरिएको छ ।
नेपालगन्ज स्थितनेपाल प्रेस इन्स्टिच्यूट, क्षेत्रीय सञ्चार स्रोत केन्द्र नेपालगन्जद्वारा नेपालगञ्जमा सञ्चालित भेरी एफ.एम. १०५ थोप्लो ४ मेगाहर्जका स्टेशन प्रमुख तथा सामुदायिक रेडियो प्रसारक संघ नेपाल (अकोराब)का केन्द्रीय सदस्य मोहम्मद आरिफ अन्सारीले आफ्नो कार्यालयमा नवनिर्वाचित अध्यक्ष शाहिद अली (समीर)लाई स्वागत तथा सम्मान गरेका हुन् ।
प्रमुख अन्सारीले आउने दिनमा अवधी पत्रकार संघ नेपाल जिल्ला शाखा बाँकेको साथ सहयोग रहने आशा व्यक्त गरे ।
उनले नवनिर्वाचित अवधीभाष्ी पत्रकारहरुलाई सक्रिय रूपमा कार्य गर्ने सुझाव दिए ।
अध्यक्ष शाहिद अली (समीर अली)लाई आफ्नो जिल्ला कार्य समितिलाई परिचालन गरेर अवधी पत्रकार युवाहरुलाई थप जागरुक बनाउने अभियानमा लाग्ने सुझाव समेत दिए ।
अध्यक्ष शाहिद अली (समीर)ले आगामी दिनमा अवधी भाषा, अवधी समाज तथा देशको विकास, उत्थानमा अग्रणी भएर कार्य गर्ने बचनबद्धता प्रकट गरेका छन् ।
