नेपालगन्ज । छतबाट खसेर एक नाबालकको मृत्यु भएको छ । नेपालगन्ज उपमहानगरपालिका वडा नम्बर ८ जोलहनपुर्वास्थित अनवर अन्सारी (मन्नी)का ४ वर्षीय छोरा हमजा अन्सारीको आफ्नै घरको छतबाट खसेर मृत्यु भएको हो ।
मंगलबार दिउँसो करीब १२ बजेतिर घरको छतबाट खसेर गम्भीर घाइते भएका नाबालकको नेपालगन्जस्थित मेडिकल कालेज नर्सिङ होममा उपचारको क्रममा मृत्यु भएको छ ।
स्थानीय चुन्ना सिद्दीकीका अनुसार छतमा खेलिरहने क्रममा छतबाट खसेर गम्भीर घाइते भएका बालकलाई उपचारका लागि भेरी अस्पताल लगिएको थियो, त्यहीँ उपचार सम्भव नभएपछि नेपालगन्ज मेडिकल कालेज नर्सिङ होम पुर्याएको थियोे ।
