२७ कार्र्तिक, नेपालगन्ज । वडा प्रहरी कार्यालय नेपालगन्जका कार्यालय प्रमुख प्रहरी निरीक्षक शेखर खड्काले ईन्टरनेट तथा मोबाईलको सदुपयोग एवं साइबर अपराध तथा सो सम्बन्धि कानूनी प्रावधानहरुको बारेमा प्रशिक्षण प्रदान गरेका छन् ।
नेपालगन्ज उप–महानगरपालिका वडा नं. ११ पासाङल्हामु मार्गमा रहेको इस्लामी संघ नेपाल शाखा कार्यालय लुम्बिनी प्रदेश बाँकेले बुधवार आयोजना गरेको “ईन्टरनेट तथा मोबाईलको सदुपयोग” बिषयक सचेतनामूलक कार्यक्रममा खड्काले सो सम्बन्धि प्रशिक्षण प्रदान गरेका हुन् ।
यस्तै बिहीवार सामुदायिक प्रहरी सेवा केन्द्र बाँके र वडा प्रहरी कार्यालय नेपालगन्ज बाँकेको आयोजनामा नेपालगन्ज उप–महानगरपालिका वडा नं.११ स्थित रहेको जि.भि.एन. कलेजमा कक्षा ११ मा अध्ययरत बिद्यार्थीहरुको सहभागितामा प्रहरी निरीक्षक शेखर खड्काले साइबर अपराध तथा सो सम्बन्धि कानूनी प्रावधानहरुको बारेमा प्रशिक्षण प्रदान गरेको वडा प्रहरी कार्यालय नेपालगन्जले जानकारी गराएको छ ।
